பேருந்து மோதி இளைஞர் சாவு

நாகர்கோவில் அருகே கேரள அரசுப் பேருந்து மோதி இளைஞர் ஞாயிற்றுக்கிழமை உயிரிழந்தார்.
பூதப்பாண்டியை அடுத்த துவரங்காடு பகுதியைச் சேர்ந்தவர் ராஜேஷ் (27).  இவர், ஞாயிற்றுக்கிழமை பைக்கில் நாகர்கோவிலுக்கு சென்றுகொண்டிருந்தாராம். கீழபுத்தேரி பகுதியில் வந்த போது திருவனந்தபுரத்தில் இருந்து நாகர்கோவிலுக்கு வந்த கேரள அரசுப் பேருந்தை ராஜேஷ் முந்திச் செல்ல முயன்றாராம். அப்போது பேருந்து மோதி தடுமாறியதில் கீழே விழுந்த அவர் மீது பேருந்தின் சக்கரம் ஏறி சம்பவ இடத்திலேயே உயிரிழந்தார். இதுகுறித்து நாகர்கோவில் போக்குவரத்து புலனாய்வுப் பிரிவு போலீஸார் வழக்குப் பதிந்து விசாரித்து வருகின்றனர்.