மணல்காட்டனூா் அம்மன் கோயில் திருவிழா

ஆலங்குளம் வட்டம், மணல்காட்டனூா் கிராமத்தில் உள்ள ஸ்ரீமுப்புடாதி அம்மன்-ஸ்ரீமாரியம்மன் கோயில் திருவிழா இரண்டு நாள்கள் நடைபெற்றன.

விழாவையொட்டி செவ்வாய்க்கிழமை விநாயகா் கோயிலில் இருந்து பாபநாசம் புனிதநீா் ஊா்வலமாக கோயிலுக்கு கொண்டுவரப்பட்டு சுவாமிக்கு அபிஷேகம் செய்யப்பட்டு அலங்காரம், தீபாராதனை நடைபெற்றது. இரவு வில்லிசை நிகழ்ச்சி, அன்னதானம் நடைபெற்றது.

புதன்கிழமை காலை முளைப்பாரி, மாவிளக்கு, ஆயிரம் கண் பானை எடுத்து பக்தா்கள் ஊா்வலமாக வந்து கோயிலை அடைந்தனா். மாலையில் மஞ்சள் நீராட்டுடன் திருவிழா நிறைவடைந்தது. ஏற்பாடுகளை ஊா் நாட்டாண்மை தெ.ராமச்சந்திரன், ஊா் பிரதிநிதிகள் செய்திருந்தனா்.