குறும்பலாப்பேரி கோயிலில் திருவிழா

பாவூா்சத்திரம் அருகே குறும்பலாப்பேரியில் உள்ள ஸ்ரீ பத்திரகாளியம்மன் கோயிலில் புரட்டாசி மாத திருவிழா நடைபெற்றது.

திருவிழா கடந்த செப். 27-ஆம் தேதி தொடங்கி புதன்கிழமை (செப். 30) வரை நடைபெற்றது. இதில், முளைப்பாரி எடுத்தல், 1008 திருவிளக்கு பூஜை, அம்மன் ஊஞ்சல் சேவை, குற்றால தீா்த்தம் எடுத்து வருதல், அம்மன் சப்பர பவனி, சிங்க வாகனத்தில் வீதியுலா, சிறப்பு தீபாராதனை உள்ளிட்ட நிகழ்ச்சிகள் நடைபெற்றன.