மின்னல் தாக்கியதில் 18 ஆடுகள் உயிரிழப்பு

திருநெல்வேலி மாவட்டம், மூலைக்கரைப்பட்டி அருகே திங்கள்கிழமை மாலை மின்னல் தாக்கியதில் 18 ஆடுகள் உயிரிழந்தன.

நான்குனேரி வட்டம், மூலைக்கரைப்பட்டி அருகே உள்ள பருத்திப்பாடு கிராமத்தைச் சோ்ந்தவா் இசக்கிமுத்து மகன் தளவாய் (50). ஆடு மேய்க்கும் தொழிலாளியான இவா், தனது ஆடுகளை ஊருக்கு அருகே விவசாய நிலத்தில் கிடையில் திங்கள்கிழமை மாலை அடைத்திருந்தாா்.

இரவு இடி, மின்னலுடன் கூடிய மழை பெய்தது. இதில் மின்னல் தாக்கியதில் கிடையில் இருந்த 18 ஆடுகளும் உயிரிழந்தன. இதனால், வருமான இழப்பு ஏற்பட்ட தொழிலாளி தளவாய், அரசு தனக்கு உரிய நஷ்ட ஈடு வழங்க வேண்டும் என்று கோரிக்கை விடுத்தாா்.