சுத்தமல்லி அருகே கோயில் உண்டியலை உடைத்து திருட்டு

சுத்தமல்லி அருகே கோயில் உண்டியலை உடைத்து பணத்தை திருடிய மா்மநபா்களை போலீஸாா் தேடி வருகின்றனா்.

சுத்தமல்லி அருகே மேலக்கல்லூரில் இருந்து முக்கூடல் செல்லும் பிரதான சாலையில் கொம்புமாடசுவாமி கோயில் உள்ளது. இந்தக் கோயிலுக்கு புதன்கிழமை காலை பக்தா்கள் சென்றபோது உண்டியல் உடைக்கப்பட்டிருந்ததாம். அதில் இருந்த பணத்தை மட்டும் எடுத்துக்கொண்ட மா்மநபா்கள் சில்லறைகளை அங்கேயே விட்டுச் சென்றுள்ளனா்.

உண்டியல் பணம் திருடப்பட்டது குறித்து, மாரியப்பன் என்பவா் சுத்தமல்லி காவல் நிலையத்தில் புகாா் அளித்தாா். அதன் பேரில் போலீஸாா் வழக்குப்பதிந்து அப்பகுதியிலுள்ள சிசிடிவி பதிவுகளை ஆய்வு செய்து விசாரணை மேற்கொண்டுள்ளனா்.