இடப்பிரச்னையில் மோதல்: 2 பேர் கைது

சாத்தான்குளம் அருகே இடப்பிரச்னையில்   ஏற்பட்ட மோதல் தொடர்பாக 2 பேரை போலீஸார்  கைது செய்தனர்.

அமுதுண்ணாக்குடி கீழத் தெருவைச் சேர்ந்தவர் குருநாதன். இவரது சகோதரர் அர்ஜூனபாண்டியன். இவர்களுக்கிடையே இடப்பிரச்னை தொடர்பாக முன்விரோதம் உள்ளதாம்.

இந்நிலையில் குருநாதன், அவரது மனைவி ஜெயராணி, மகன் தினகரன் (25) ஆகியோர் அர்ஜூனபாண்டியனின் மகள் தங்கலட்சுமியை வெள்ளிக்கிழமை அவதூறாகப் பேசி கொலை மிரட்டல் விடுத்தார்களாம். இதையடுத்து தினகரனுக்கு அர்ஜூனபாண்டியனும் (60) கொலை மிரட்டல் விடுத்தாராம்.  இதுகுறித்து தங்கலட்சுமி, தினகரன் ஆகியோர் தனித்தனியாக சாத்தான்குளம் காவல் நிலையத்தில் அளித்துள்ள புகாரின்பேரில் சிறப்பு உதவி ஆய்வாளர்  எழிலரசன் வழக்குப் பதிந்து அர்ஜூனபாண்டியன், தினகரன் ஆகியோரை கைது செய்து விசாரித்து வருகிறார்.