"நமக்கு நாமே' பயணத்திட்ட தெருமுனை பிரசாரக் கூட்டம்

பெரம்பலூரில் நகர திமுக இளைஞரணி சார்பில்  வியாழக்கிழமை துறைமங்கலத்தில் தொடங்கிய தெருமுனைப் பிரசாரக் கூட்டத்துக்கு நகரச் செயலர் எம். பிரபாகரன் தலைமை வகித்தார். கட்சிப் பேச்சாளர் கவிஞர் நன்மாறன்,பெரம்பலூர் மாவட்டச் செயலர் சி. ராஜேந்திரன் ஆகியோர் "நமக்கு நாமே' பயணத் திட்டத்தை விளக்கிப் பேசினர். தொடர்ந்து, சங்குப்பேட்டை,வடக்கு மாதவி சாலை, பழைய பேருந்து நிலையம், அரணாரை ஆகிய இடங்களிலும் தெருமுனை பிரசாரக் கூட்டம் நடைபெற்றது. கூட்டத்தில், தலைமை செயற்குழு உறுப்பினர் என். ராஜேந்திரன், மாவட்ட அவைத் தலைவர் அ. நடராஜன், ஒன்றியச் செயலர் எஸ். அண்ணா துரை உள்ளிட்ட பலர் பங்கேற்றனர்.