புதுப்பட்டினத்தில் ரத்த தான முகாம்

பேராவூரணி அருகே புதுப்பட்டினத்தில் தமிழ்நாடு தவ்ஹீத் ஜமாஅத் சார்பில் ரத்த தான முகாம் திங்கள்கிழமை நடைபெற்றது.

முகாமுக்கு தஞ்சை தெற்கு மாவட்டச் செயலர் சாதிக்பாட்ஷா தலைமை வகித்தார். மாவட்ட துணைச் செயலர் ராசிக்முகமது, கிளைத் தலைவர் ஹபீப்முகமது ஆகியோர் முன்னிலை வகித்தனர்.

புதுப்பட்டினம் அபுமெட்ரிக் மேல்நிலைபள்ளி தாளாளர் துல்கருணை முகாமை தொடங்கி வைத்தார்.

பட்டுக்கோட்டை அரசு மருத்துவமனை ரத்த வங்கி மருத்துவர்கள் கொடையாளர்களிடம் இருந்து 40 யூனிட் ரத்தத்தை தானமாகப் பெற்றனர். நிர்வாகிகள் முகமது உசேன், ஜியாவுதீன், உமர், பாவா உள்ளிட்டோர் கலந்து கொண்டனர்.