பண்டாரவாடையில் அம்மா குழந்தை நல பரிசுப் பெட்டகம் வழங்கல்

தஞ்சாவூர் மாவட்டம், பாபநாசம் அருகே  பண்டாரவாடை அரசு ஆரம்ப சுகாதார நிலைய வளாகத்தில் தமிழக அரசின் சிறப்பு திட்டமான அம்மா குழந்தை நல பரிசு பெட்டகம் வழங்கும் விழா வியாழக்கிழமை நடைபெற்றது.

விழாவில் பண்டாரவாடை அரசு ஆரம்ப சுகாதார நிலையத்தில் பிறந்த குழந்தைகளின் தாய்மார்களிடம் குழந்தை பராமரிப்புக்கு தேவையான 16 பொருள்கள் அடங்கிய பரிசு பெட்டகத்தை  ஊராட்சி மன்றத் தலைவர்கள் கே.ஏ. ஷேக்தாவூது(ராஜகிரி), கமருஷமான் (பண்டாரவாடை) உள்ளிட்டோர் வழங்கினர்.

நிழச்சியில், நிலைய மருத்துவ அலுவலர் புவனேஸ்வரி, செவிலியர் தீபிகா, பகுதி நேர செவிலியர் நீலாவதி, கிராம சுகாதார செவிலியர் காந்திமதி, மருந்தாளுநர் உமாபதி உள்ளிட்டோர் கலந்து கொண்டனர்.