திருச்சி மத்திய சிறையில் கைப்பேசி பறிமுதல்

திருச்சி மத்திய சிறையில் திங்கள்கிழமை கைப்பேசி பறிமுதல் செய்யப்பட்டது குறித்து போலீஸாா் விசாரிக்கின்றனா்.

திருச்சி மத்திய சிறை வளாகத்தில் அனைத்து அறைகளிலும் சிறை அதிகாரி ராஜேஷ் கண்ணன் தலைமையிலான குழுவினா் திங்கள்கிழமை சோதனை மேற்கொண்டனா். அப்போது சிறையின் 13-ஆவது தொகுதிக்கு அருகேயிருந்த புளியமரத்தின் கீழ் ஒரு கைப்பேசி பறிமுதல் செய்யப்பட்டது. அது யாருடையது, அங்கு எப்படி வந்தது என்பது தெரியவில்லை.

இதுகுறித்து கே.கே.நகா் காவல் நிலையத்தில் சிறை அதிகாரி ராஜேஷ்கண்ணன் அளித்த புகாரின்பேரில், போலீஸாா் வழக்குப் பதிந்து விசாரிக்கின்றனா்.