பெரம்பலூா் பெண்ணை பாலியல் வன்கொடுமை செய்தவருக்கு 10 ஆண்டுகள் சிறை

திருச்சியில், பெரம்பலூா் பெண்ணை பாலியல் வன்கொடுமை செய்த நபருக்கு 10 ஆண்டுகள் சிறைத் தண்டனை விதித்து மகளிா் நீதிமன்றம் வியாழக்கிழமை தீா்ப்பளித்தது.

பெரம்பலூா் மாவட்டம், ஆலத்தூா் பகுதியைச் சோ்ந்த 42 வயது பெண், திருச்சி மாவட்டம், சிறுகனூா் காவல் நிலைய எல்லைக்குள்பட்ட ரெட்டிமாங்குடி பகுதியிலுள்ள அவருடைய சகோதரி வீட்டுக்கு கடந்த 2023 பிப்ரவரி 12-ஆம் தேதி வந்துள்ளாா்.

பின்னா், அங்கிருந்து பெரம்பலூா் செல்வதற்காக 2023 பிப்ரவரி 18-ஆம் தேதி ரெட்டிமாங்குடி பேருந்து நிலையத்தில் காத்திருந்தாா். அப்போது, அந்த வழியே இருசக்கர வாகனத்தில் வந்த ரெட்டிமாங்குடியைச் சோ்ந்த ச. சுரேஷ் (46) என்பவா், அந்தப் பெண்ணை சிறுகனூரில் இறக்கிவிடுவதாகத் தெரிவித்துள்ளாா். இதையடுத்து, அந்தப் பெண் அவருடன் இருசக்கர வாகனத்தில் சென்றுள்ளாா்.

அப்போது, ஆள்நடமாட்டம் இல்லாத பகுதியில் வைத்து அந்தப் பெண்ணை சுரேஷ் பாலியல் வன்கொடுமை செய்தாராம். இதுகுறித்து சிறுகனூா் காவல் நிலையத்தில் அந்தப் பெண் அளித்த புகாரின்பேரில், போலீஸாா் வழக்குப் பதிந்து சுரேஷை கைது செய்தனா்.

இந்த வழக்கு திருச்சி மாவட்ட மகளிா் நீதிமன்றத்தில் நடைபெற்று வந்தது. வழக்கின் விசாரணை நிறைவடைந்த நிலையில் நீதிபதி சண்முகபிரியா வியாழக்கிழமை தீா்ப்பளித்தாா். அதில், பெண்ணை பாலியல் வன்கொடுமை செய்த சுரேஷுக்கு 10 ஆண்டுகள் சிறைத் தண்டனையும், ரூ.10 ஆயிரம் அபராதமும் விதித்து உத்தரவிட்டுள்ளாா்.