டெங்கு காய்ச்சல் விழிப்புணர்வு ஊர்வலம்

கங்கைகொண்டான் பேரூராட்சி, நெய்வேலி பவர் சிட்டி அரிமா சங்கம், நெய்வேலி லிக்னைட் சிட்டி ரோட்டரி சங்கம் மற்றும் எம்.ஆர்.சரீப் தொண்டு அறக்கட்டளை ஆகியவை இணைந்து வெள்ளிக்கிழமை டெங்கு மற்றும் பன்றிக் காய்ச்சல் விழிப்புணர்வு ஊர்வலம் நடத்தி, துண்டுப் பிரசுரம் வழங்கினர்.

மந்தாரக்குப்பம் பேருந்து நிலையத்தில் இருந்து கங்கைகொண்டான் பேரூராட்சி அலுவலகம் வரை நடைபெற்ற இந்த ஊர்வலத்தை கங்கைகொண்டான் பேரூராட்சி மன்ற செயல் அலுவலர் எல்.ராணி கொடியசைத்து தொடங்கி வைத்தார். பேருராட்சி மன்றத் தலைவர்  கே.மனோகர் தலைமை வகித்தார். அரிமா சங்கத் தலைவர் எஸ்.சுந்தரராஜன், வட்டாரத் தலைவர் ஏ.பி.சிவராஜ், ரோட்டரி சங்கத் தலைவர் ஜி.குருமூர்த்தி, எம்.ஆர்.சரீப் தொண்டு அறக்கட்டளைத் தலைவர் அரிமா ஆர்.அன்வர்தீன், அரிமா சங்க மாவட்டத் தலைவர் வி.பாலசுப்ரமணியன், இயக்குநர் எல்.என்.லக்ஷ்மிநாராயணன், மனிதநேய மேம்பாட்டு சங்கத் தலைவர் அச்சா மற்றும் கம்மாபுரம் சுகாதார ஆய்வாளர் விஜயலட்சுமி ஆகியோர் முன்னிலை வகித்தனர்.

ஊர்வலத்தில் கங்கைகொண்டான் பகுதியில் உள்ள அனைத்துக் கடைகள் மற்றும் பேருந்து நிலையத்தில் கூடியிருந்த பொதுமக்களுக்கு விழிப்புணர்வு துண்டுப் பிரசுங்கம் வழங்கப்பட்டது.