பேருந்து மோதி இளைஞர் சாவு

மோட்டார் சைக்கிள் மீது பேருந்து மோதியதில் இளைஞர் வெள்ளிக்கிழமை உயிரிழந்தார்.

 கள்ளக்குறிச்சியை அடுத்த ஏமப்பேர் பகுதியைச் சேர்ந்த முருகேசன் மகன் நல்லதம்பி (27). ஆட்டோ ஓட்டுனர்.

இவர் வெள்ளிக்கிழமை தியாகதுருகம் பகுதியில் இருந்து மோட்டார் சைக்கிளில் வீட்டுக்கு வந்துகொண்டிருந்தார்.

 சேலம்-சென்னை நெடுஞ்சாலைப் பகுதியில் வந்தபோது, அவ்வழியாகச் சென்ற தனியார் பள்ளிப் பேருந்து  மோட்டார் சைக்கிள் மீது மோதியதில் நல்லதம்பி  சம்பவ இடத்திலேயே உயிரிழந்தார். இது குறித்து கள்ளக்குறிச்சி போலீஸார் வழக்குப்பதிவு செய்து விசாரணை நடத்தி வருகின்றனர்.