கபாலி எப்போது ரிலீஸ்? புதிய தகவல்!

ரஜினி - இயக்குநர் ரஞ்சித் கூட்டணியில் உருவாகும் படம் - கபாலி. இந்தப் படத்தில் சென்னையைச் சேர்ந்த தாதா கதாபாத்திரத்தில் ரஜினி நடிக்கிறார். ராதிகா ஆப்தே, தினேஷ், தன்ஷிகா, கலையரசன் ஆகியோரும் நடிக்கிறார்கள். படம் எப்போது வெளிவரும் என்பது பற்றி புதிய தகவல் வெளிவந்துள்ளது.

‘ரிலீஸ் தேதி இன்னும் முடிவாகவில்லை. ஆனால் கபாலி, தமிழ்ப் புத்தாண்டுச் சமயத்தில் வெளியிடத் திட்டமிடப்பட்டுள்ளது. இப்போது சென்னையில் படப்பிடிப்பு நடக்கிறது. பிறகு மீதிக்காட்சிகள் மலேசியாவில் படமாக்கப்படும். ஜனவரியில் படப்பிடிப்பு முடிந்துவிடும். இரண்டு மாதங்கள் போஸ்ட் புரொடக்‌ஷன் வேலைகள் நடக்கும். 2016 ஏப்ரலில் படம் வெளியாகும்’ என்று படக்குழுவினர் கருத்து தெரிவித்தார்கள்.

கபாலி படத்தை தாணு தயாரிக்கிறார். சந்தோஷ் நாராயணன் இசையமைக்கிறார்.