திரையரங்கில் இணைந்து படம் பார்த்த விக்னேஷ் சிவன் - நயன்தாரா : என்ன படம் தெரியுமா?

ரௌடி பிக்சர்ஸ் சார்பாக விக்னேஷ் சிவன் - நயன்தாரா இணைந்து வெளியிட்ட படம் 'ராக்கி'. இந்தப் படம் திரையரங்குகளில் கடந்த 23 ஆம் தேதி வெளியாகி நல்ல விமர்சனங்களைப் பெற்று வருகிறது. 

இந்தப் படத்தில் பாரதிராஜா, வசந்த் ரவி, ரவீனா ரவி, ரோகினி உள்ளிட்டோர் முக்கிய வேடங்களில் நடித்துள்ளனர். இந்தப் படத்தை அருண் மாதேஸ்வரன் இயக்கினார். இந்தப் படத்துக்கு ஸ்ரேயாஸ் கிருஷ்ணாவின் ஒளிப்பதிவும், தர்புகா சிவாவின் இசையும் பாராட்டுக்களை குவித்தன. 

இதையும் படிக்க | மனைவியுடன் விவகாரத்தை அறிவித்த இசையமைப்பாளர் டி.இமான்

சமீபத்தில் நடிகர் ரஜினிகாந்த் இந்தப் படத்துக்காக இயக்குநர் பாரதிராஜா மற்றும் வசந்த் ரவியை நேரில் சந்தித்து பாராட்டினார். 

இந்த நிலையில் சென்னையில் உள்ள தனியார் திரையரங்கில் விக்னேஷ் சிவன் மற்றும் நயன்தாரா இணைந்து ராக்கி படத்தை பார்த்துள்ளனர். அப்போது எடுக்கப்பட்ட புகைப்படங்கள் இணையத்தில் வைரலாகி வருகின்றன.