சமந்தா நடிப்பில் உருவான ‘யசோதா’ திரைப்படத்தின் தணிக்கை சான்றிதழ் குறித்த தகவல்கள் வெளியாகியுள்ளன. 

ஹரி - ஹரீஷ் இயக்கத்தில் நடிகை சமந்தா நடித்துள்ள திரைப்படம் யசோதா. 5 மொழிகளில் தயாரான இந்தத் திரைப்படத்தில் நடிகை சமந்தாவுடன் வரலட்சுமி சரத்குமார், சம்பத் ராஜ், மதுரிமா உள்ளிட்ட பலர் நடித்துள்ளனர். 

ஆக்‌ஷன் த்ரில்லர் பாணியில் உருவாகியுள்ள இந்தத் திரைப்படத்தில் நடிகை சமந்தா சிறப்பாக நடித்துள்ளதாக படக்குழு விளம்பரப்படுத்தி வருகிறது.  

யசோதா படத்தின் டிரைலர் வெளியாகி நல்ல வரவேற்பினைப் பெற்றது. இப்படம்,  நவம்பர் 11ஆம் தேதி திரையரங்குகளில் பான் இந்தியா திரைப்படமாக வெளியாக உள்ளது.

இந்நிலையில் படத்திற்கான தணிக்கை சான்றிதழ் யு/ஏ கிடைத்துள்ளது. படத்தில் சண்டை காட்சிகள் இருப்பதால் இப்படி கிடைத்திருக்குமென ரசிகர்கள் உற்சாகமடைந்துள்ளனர். 

மேலும் படத்தின் கால அளவு (ரன்னிங் டைம்) 2 மணி நேரம் 15 நிமிடங்கள் என தகவல்கள் வெளியாகியுள்ளன.