நடிகர் கதிர், நரேன், ஆனந்தி நடிப்பில் உருவாகியுள்ள ‘யூகி’ படத்தினை இயக்குநர் ஜாக் ஹாரிஸ் இயக்கியுள்ளார். 

மதயானைக் கூட்டம் படத்தில் அறிமுகமானவர் நடிகர் கதிர். தேர்ந்தெடுத்த கதைகளில் மட்டுமே நடிப்பவர். இவர் நடிப்பில் உருவான ‘சுழல்’ திரைப்படம் அமேசானில் வெளியாகி நல்ல வரவேற்பினைப் பெற்றது. தற்போது பாக்யராஜ் கதையில் ஜாக் ஹாரிஸ் இயக்கத்தில் கதிர், நரேன், நட்டி நடராஜ், ஆனந்தி, பவித்ரா லக்‌ஷ்மி உள்ளிட்ட பலர் நடித்துள்ள படம் ‘யூகி’. இசை - ரன்ஜின் ராஜ். பின்னணி இசை- டான் வின்செண்ட். 

பொறியாளன் படத்தில் தமிழில் அறிமுகமான ஆனந்திக்கு அடுத்த படமான கயல் மிகப்பெரிய பெயரினை பெற்று தந்தது. ‘யூகி’ படம் திரையரங்குகளில் (நவ.18ஆம் நாள்) நேற்று வெளியாகியுள்ளது. அவரது படம் முதன்முதலாக மலையாளத்தில் வெளியாவது குறிப்பிடத்தக்கது.  இந்நிலையில் கயல் ஆனந்தி தனது ட்விட்டர் பக்கத்தில் ஒரு விடியோ ஒன்று வெளியிட்டுள்ளார். அதில் அவர் தமிழ், மலையாளம் ரசிகர்களுக்கு க்யூட்டாக வேண்டுகோள் விடுத்துள்ளார். அதில் அவர் கூறியதாவது: 

என்னுடைய படம் யூகி ரிலீஸ் ஆகிருக்கு. மலையாளத்திலும் ரிலீஸ் ஆகிருக்கு. அனைவரும் படத்தின் டிரைலரை பாருங்கள். டிரைலர் பிடித்திருந்தால் படத்தையும் பாருங்கள்.