இந்தோனேசிய மொழியில் ரீமேக்காகும் முதல் தமிழ் படம்

பார்த்திபன் இயக்கி நடித்திருந்த ஒத்த செருப்பு திரைப்படம் கடந்த 2019 வெளியாகி விமர்சன ரீதியாக நல்ல வரவேற்பை பெற்றது. மேலும் அந்த ஆண்டுக்கான தேசிய விருதையும் அந்தப் படம் பெற்றது. 

இந்தப் படத்தில் பார்த்திபன் மட்டுமே நடித்திருந்தார். அவரது வித்தியாச முயற்சிக்கு பாராட்டுகள் குவிந்தது. இந்தப் படத்தை ஹிந்தியில் அபிஷேக் பச்சன் நடிப்பில் பார்த்திபன் மறு உருவாக்கம் செய்து வருகிறார். அமிதாப் பச்சன் தயாரிக்கும் இந்தப் படத்துக்கு இளையராஜா இசையமைக்கிறார். 

இதையும் படிக்க | அவதியிலிருந்து மீளும் பிரபல இயக்குநர்: நினைவை மீட்பதில் உதவுவார்களா நண்பர்கள்?

இந்த நிலையில் ஒத்த செருப்பு திரைப்படம் இந்தோனிசியாவின் பஹாசா மொழியில் ரீமேக் செய்யப்படவிருக்கிறது. இதன் மூலம் இந்தோனேசியாவில் ரீமேக் செய்யப்படும் முதல் தமிழ் படம் என்ற பெருமையை ஒத்த செருப்பு பெற்றுள்ளது. இதனை பார்த்திபன் தனது ட்விட்டர் பக்கத்தில் பகிர்ந்துள்ளார்.