ஜெயிலர் பட வெற்றியைத் தொடர்ந்து தற்போது ரஜினிகாந்த்தின் 171வது படத்திலும் சன் பிக்சர்ஸ் மீண்டும் இணைகிறது. இந்தப் படத்தை லோகேஷ் கனகராஜ் இயக்க அனிருத் இசையமைக்கிறார். இதற்கான அதிகாரபூர்வ அறிவிப்பை சன் பிக்சர்ஸ் சமீபத்தில் வெளியிட்டிருந்தது. 

இயக்குநர் லோகேஷ் தற்போது விஜய்யின் லியோ படத்தினை முடித்துள்ளார். இந்தப்படம் அக்டோபர் 19ஆம் தேதி வெளியாகி நல்ல வரவேற்பினை பெற்றது. தற்போது லோகேஷ் கனகராஜ் ‘தலைவர் 171’ படத்திற்கான திரைக்கதை வேலைகளில் ஈடுபட்டு வருகிறார். 

இதையும் படிக்க:   பீஸ்ட் படத்தை கிண்டல் செய்ததற்கு நெல்சனிடம் மன்னிப்பு கேட்கும் ரசிகர்கள்! காரணம் பிரதமர் மோடியா?

இப்படத்தின் முக்கிய வில்லனாக நடிக்க நடிகர் ராகவா லாரன்ஸ் தேர்ந்தெடுக்கப்படலாம் என எதிர்பார்க்கப்படுகிறது. காரணம், ரஜினியுடன் இணைந்து நடிக்க ராகவா லாரன்ஸ் விருப்பம் தெரிவித்து வருவதாகக் கூறப்படுகிறது. 

இதையும் படிக்க: திரையரங்கில் குழந்தையைப் போல அழுதேன்: ஐஸ்வர்யா லட்சுமியின் நெகிழ்ச்சிப் பதிவு!

இந்நிலையில், முக்கிய கதாபாத்திரத்தில் நடிகர் சிவகார்த்திகேயன் இணைந்துள்ளதாக சமூக வலைதளங்களில் தலைவர் 171 , சிவகார்த்திகேயன் ஆகிய ஹேஷ்டேக்குகள் டிரெண்டாகி வருகின்றன.

நடிகர் சிவகார்த்திகேயனும் ரஜினி ரசிகர். “ரஜினி சார் எப்போது கூப்பிட்டாலும் நான் நடிக்க தயார்” என சிவகார்த்திகேயன் பல மேடைகளில் கூறியுள்ளார். அதிகாரபூர்வ அறிவிப்புகள் எதுவும் இதுவரை வெளியாகவில்லை என்பது குறிப்பிடத்தக்கது. 

இதையும் படிக்க: மகேஷ் பாபுவின் டெவில்: அனிமல் பட புரமோஷனில் ரகசியம் பகிர்ந்த இயக்குநர்!  

பொங்கலுக்கு சிவகார்த்திகேயனின் அயலான் வெளியாக உள்ளது.  நடிகர் ரஜினி தற்போது 170வது படத்திலும் சிவகார்த்திகேயன் தனது 21வது படத்திலும் நடித்து வருவது குறிப்பிடத்தக்கது.