லியோ வெளியான திரையரங்கில் மோதிரம் மாற்றிக் கொண்ட ஜோடி!

புதுக்கோட்டை: புதுக்கோட்டையில் நடிகர் விஜய்யின் லியோ திரைப்படம் வெளியான திரையரங்கில் திருமணம் நடைபெற்றது.

விஜய்யின் ரசிகர் வெங்கடேஷுக்கும் இதே ஊரைச் சேர்ந்த மஞ்சுளாவுக்கும் லியோ படத்தின் முதல்காட்சி ஓடிக் கொண்டிருக்கும் போதே இந்தத் திருமணம் நடைபெற்றது.

இதையும் படிக்க | லியோ எப்படி இருக்கிறது?

விஜய் மக்கள் மன்றத்தின் மாவட்டத் தலைவரும் புதுகை நகர்மன்ற உறுப்பினருமான பர்வேஸ் முன்னிலையில் திருமணம் நடைபெற்றது.

மாலை மாற்றிக் கொண்டு, மோதிரம் மாற்றிக் கொண்ட இந்த ஜோடிக்கு நாளை முறைப்படி பெருமாள் கோவிலில் திருமணம் ஏற்பாடு செய்யப்பட்டுள்ளது குறிப்பிடத்தக்கது.

நடிகர் விஜய்யின் மதமான கிறிஸ்துவ முறைப்படி இன்று மோதிரம் மாற்றிக் கொண்டு திருமணம் செய்ததாக மணமகன் வெங்கடேஷ் தெரிவித்தார்.