வெளிநாட்டு முன்பதிவுகளில் அசத்தும் ஜவான்: முதல்நாளே ரூ.50 கோடி வசூல்?

தமிழில் விஜய்யை வைத்து பிகில், மெர்சல், தெறி என்று மூன்று சூப்பர் ஹிட் படங்களை இயக்கிய அட்லி, ஷாருக்கானின் ஜவான் படத்தின் மூலம் ஹிந்தியில் இயக்குநராக அறிமுகமாகிறார். அனிருத் இசையமைக்கும் இப்படத்தில், நயன்தாரா, விஜய் சேதுபதி உள்ளிட்டோர் நடித்துள்ளனர்.

இப்படத்தின் இறுதிக்கட்ட பணிகள் மிகத் தீவிரமாக நடைபெற்று வருகிறது. இப்படம் செப்.7 ஆம் தேதி வெளியாக உள்ள நிலையில் இதன் ஓடிடி, இசை மற்றும் திரையரங்க வெளியீட்டு உரிமம் ஆகியவை ரூ.400 கோடிக்கும் மேல் விற்கப்பட்டதாக தகவல் வெளியாகியிருந்தது. 

இதன் காரணமாக, இந்தாண்டின் மிகப்பெரிய படமாக ஜவான் உருவெடுத்துள்ளது.  மேலும், ஷாருக்கான் நடித்த ‘பதான்’ திரைப்படம் ரூ.1,000 கோடிக்கும் அதிகமாக வசூலித்ததால் மீண்டும் அவர் மீதான எதிர்பார்ப்பு அதிகரித்துள்ளது.

இதையும் படிக்க | விரைவில் ரஜினி - த.செ.ஞானவேல் படத்தின் பூஜை!

இந்த நிலையில் அமெரிக்கா, அமீரகம், ஓமன், ஆஸ்திரேலியா, ஜெர்மனி உள்ளிட்ட பல நாடுகளில் ஜவான் படத்திற்கான டிக்கெட் முன்பதிவுகளின் விற்பனை மிகப்பெரிய அளவில் நடந்து வருவதாக தகவல் வெளியாகியுள்ளது.  திரைப்படம் வெளியாவதற்கு மூன்று வாரங்களுக்கு முன்பே வெளிநாடுகளில் முன்பதிவுகள் துவங்கிவிடும்.

இதைக் கணக்கிட்டுப் பார்த்தால் வெளிநாடுகளில் முதல்நாளிலேயே ஜவான் ரூ.50 கோடியை வசூலிக்கும் என எதிர்பார்க்கப்படுகிறது.