இந்தியன் - 2 தலை சுற்றவைக்கும் ஓடிடி விற்பனை தொகை!

இயக்குநர் ஷங்கர் இயக்கத்தில் கமல்ஹாசன் நடித்துவந்த இந்தியன் 2 படம் விபத்து உள்ளிட்ட காரணங்களால் பாதியில் நின்றது. கமலின் ‘விக்ரம்’ மிகப்பெரிய வெற்றியைப் பெற்றதைத் தொடர்ந்து ‘இந்தியன் 2’ படப்பிடிப்பு மீண்டும் வேகமெடுத்துள்ளது.

லைகா தயாரிப்பில் அனிருத் இசையில் ரவி வர்மா, ரத்னவேலு ஒளிப்பதிவில் உருவாகும் இந்தியன் 2 படத்தில் கமலுடன் இணைந்து சமுத்திரக்கனி, பாபி சிம்கா, காஜல் அகர்வால், சித்தார்த், ராகுல் பிரீத் சிங், பிரியா பவானி சங்கர் உள்ளிட்ட நட்சத்திர பட்டாளங்கள் நடித்து வருகின்றனர்.

இதையும் படிக்க | ஓய்விற்காக வெளிநாடு சென்ற விஜய்!

இந்தப் படத்தின் படப்பிடிப்பு விரைவில் முடிவடைய உள்ளதாகவும் அடுத்தாண்டு பொங்கலை முன்னிட்டு திரையரங்குகளில் இந்தியன் 2 திரைப்படம் வெளியாகும் என்றும் தகவல்கள் வெளியாகியுள்ளன. 

இந்நிலையில், இப்படத்தை நெட்ஃபிளிக்ஸ் ஓடிடி நிறுவனம் ரூ.200 கோடிக்கு வாங்கியுள்ளதாக தகவல் வெளியாகியுள்ளது. தகவல் உண்மையானால் இதுவே, ஓடிடிக்கு அதிக தொகைக்கு விற்கப்பட்ட முதல் இந்தியத் திரைப்படமென்பது குறிப்பிடத்தக்கது.