ஞான் பிரகாஷன் படத்தின் மூலம் அறிமுகமானவர் நடிகை அபர்ணா தாஸ். அதன்பின், நடிகர் விஜய்யின் பீஸ்ட் படத்தில் முக்கிய கதாபாத்திரத்தில் நடித்து கவனிக்கப்பட்டார்.

தொடர்ந்து, நடிகர் கவின் நடித்த ‘டாடா’ படத்தின் நாயகியாக நடித்தவருக்கு பெரிய வரவேற்புக் கிடைத்தது. மலையாளியாக இருந்தாலும் தோற்றத்தில் தமிழ்ப் பெண்போலவே இருப்பதால் ரசிகர்கள் கொண்டாடும் நாயகி.

தற்போது, மலையாளம் மற்றும் தெலுங்குப் படங்களில் நடித்து வருகிறார்.

இந்நிலையில், இவருக்கும் மஞ்ஞுமல் பாய்ஸ் படத்தில் நடித்த நடிகர் தீபக் பரம்பொலுக்கும் ஏப்.24 ஆம் தேதி திருமணம் நடைபெற உள்ளதாக அதிகாரப்பூர்வமாக அறிவித்துள்ளனர்.

மலர்வாடி ஆர்ட்ஸ் கிளப் படத்தின் மூலம் அறிமுகமான தீபக் பரம்பொல், இதுவரை 30க்கும் மேற்பட்ட படங்களில் நடித்துள்ளார்.