நயன்தாராவின் அறம் படத்தின் மூலம் இயக்குநராக அறிமுகமானவர் கோபி நயினார். இத்திரைப்படம் ரசிகர்களிடையே நல்ல வரவேற்பைப் பெற்றது.

அறம் படத்தை போலவே கதாநாயகிக்கு முக்கியத்துவம் கொடுக்கும் புதிய படத்தை கோபி நயினார் இயக்குகிறார். இப்படத்துக்கு மனுசி எனப் பெயரிடப்பட்டுள்ளது.

இப்படத்தில் பிரதான வேடத்தில் நடிகை ஆண்ட்ரியா நடிக்கிறார். இளையராஜா இசையமைக்கும் இப்படத்தை இயக்குநர் வெற்றி மாறன் தயாரிக்கிறார்.

மேலும், இப்படத்தில் நாசர், ஹிக்கிம் ஷா, தமிழ், விஜி சந்திரசேகர் உள்ளிட்டோர் நடிக்கிறார்கள்.

இந்த நிலையில், நடிகர் விஜய் சேதுபதி ஆண்ட்ரியா நடிக்கும் மனுசி படத்தின் டிரைலரை வெளியிட்டுள்ளார். இந்த டிரைலர் இணையத்தில் டிரெண்டாகியுள்ளது.