‘பிரேமம்’ திரைப்படம் மூலம் சினிமாவில் அறிமுகமானவர் நடிகை அனுபமா பரமேஸ்வரன். இப்படத்தின் வெற்றியின் மூலம் தமிழ், தெலுங்கு ஆகிய மொழிகளிலும் நடிக்க துவங்கினார்.

தமிழில் தனுஷ் உடன் ‘கொடி’ படத்தில் நடித்திருந்தார். அனுபமா நடிப்பில் வெளியான ‘கார்த்திகேயா - 2’ , ‘18 பேஜஸ்’ டில்லு ஸ்கொயர் ஆகிய படங்கள் வசூல் ரீதியாக பெரிய வெற்றியைப் பெற்றது.

தற்போது, அனுபமா ‘பரதா’ என்ற படத்தில் நடித்து வருகிறார். இந்தப் படத்தினை பிரவீன் கந்த்ரேகுலா இயக்குகிறார்.

லைகா நிறுவனம் தயாரிக்கும் புதிய படத்தில் அனுபமா பரமேஸ்வரன் நடித்து வந்தார். இப்படத்துக்கு ‘லாக் டவுன்’ பெயரிடப்பட்டுள்ளது. சுபாஸ்கரன் இப்படத்தை வழங்குகிறார்.

லாக் டவுன் படத்தை எழுதி இயக்குகிறார் ஏஆர் ஜீவா. என்ஆர் ரகுநாதன் மற்றும் சித்தார்த் விபின் இப்படத்துக்கு இசையமைக்கின்றனர்.

இந்நிலையில் இந்தப் படம் வரும் ஜூன் மாதம் வெளியாகுமெனப் படக்குழு தெரிவித்துள்ளது.