அர்ஜுன் தாஸுக்கு ஜோடியாகும் மமிதா பைஜூ!

நடிகர் அர்ஜுன் தாஸுக்கு ஜோடியாக நடிகை மமிதா பைஜூ நடிக்கவுள்ளதாகத் தகவல் வெளியாகியுள்ளது.

கைதி படத்தின் மூலம் அறிமுகமாகி தமிழ் சினிமாவில் வளர்ந்துவரும் நடிகராக இருப்பவர் அர்ஜுன் தாஸ். வில்லனாக நடிப்பைத் துவங்கியவர் ரசவாதி, அநீதி படங்களில் நாயகனாக நடித்து கவனம் ஈர்த்தார்.

இவர் நடித்த ஒன்ஸ் மோர் திரைப்படத்தின் பாடல்கள் வெளியாகி ரசிகர்களிடம் வரவேற்பைப் பெற்றுள்ளது. விரைவில், இப்படம் திரைக்கு வரவுள்ளது.

இந்த நிலையில், அறிமுக இயக்குநர் விக்னேஷ் இயக்கத்தில் அர்ஜுன் தாஸ் நாயகனாக நடிக்க அவருக்கு ஜோடியாக மமிதா பைஜூ நடிக்க உள்ளதாகத் தகவல்கள் தெரிவிக்கின்றன.

இதையும் படிக்க: விஜய் சேதுபதி - சசிகுமார் கூட்டணியில் புதிய படம்