தனுஷ் நடிப்பில் குபேரா படத்தின் டிரைலர் வெளியாகியுள்ளது.

தெலுங்கு பிரபல நடிகர் நாகார்ஜுனாவும் நடிகர் தனுஷும் முதல்முறையாக இணைந்து நடித்துள்ள படம் குபேரா. இதில் தனுஷுக்கு ஜோடியாக ராஷ்மிகா மந்தனா நடித்துள்ளார்.

சேகர் கம்முலா இதனை இயக்கியுள்ளார். படத்துக்கு தேவி ஸ்ரீபிரசாத் இசையமைத்துள்ளார். ஸ்ரீ வெங்கடேஷ்வரா சினிமாஸ் நிறுவனம் தயாரித்துள்ளது.

தமிழ், தெலுங்கு, இந்தி உள்பட 5 மொழிகளில் உருவாகியுள்ள இந்தப் படம் ஜூன் 20 ம் தேதி திரையரங்குகளில் வெளியாகிறது.

அஞ்சான் ரீ - எடிட்டிங் திட்டத்தில் லிங்குசாமி!

படத்தின் ரிலீஸையொட்டி ப்ரோமோட் செய்ய அடுத்தடுத்து நிகழ்வுகளை 'குபேரா' படக்குழுவினர் மேற்கொண்டு வருகின்றனர்.

இந்த நிலையில் படத்தின் டிரைலரை படக்குழு நேற்று வெளியிட்டுள்ளது. டிரைலரை பார்க்கும்போது படத்தில் தனுஷ் பிச்சைக்காரர் கதாபாத்திரத்தில் நடித்திருப்பார் போல் தெரிகிறது.