பிரசாந்த் படத்தில் கதாநாயகியான தேவயானி மகள்!

நடிகை தேவயானியின் மகள் கதாநாயகியாக அறிமுகமாகவுள்ளார்.

தெலுங்கில் வெளியாகி பெரிய வெற்றியைப் பெற்ற கோர்ட் திரைப்படத்தை தமிழில் ரீமேக் செய்துள்ளனர். இதனை இயக்குநர் தியாகராஜன் இயக்க, நடிகர் பிரசாந்த் வழக்குரைஞராக நடித்துள்ளார்.

தயாரிப்பாளர் 5 ஸ்டார் கதிரேசனின் மகன் ஹிருத்திக் மற்றும் நடிகை தேவயானியின் மகள் இனியா நடித்துள்ளார்.

இந்த நிலையில், இப்படத்திற்கு ரஞ்ஜன் எனப் பெயரிட்டுள்ளதை இன்று அறிவித்துள்ளனர்.

நடிகர் நானி தயாரிப்பில் அறிமுக இயக்குநர் ராம் ஜெகதீஸ் இயக்கத்தில் உருவான கோர்ட் - ஸ்டேட் விர்சஸ் நோபடி (court state vs a nobody) திரைப்படம் கடந்த ஆண்டு திரையரங்குகளில் வெளியாகி வரவேற்பைப் பெற்றதுடன் ரூ. 60 கோடி வரை வசூலித்து வெற்றிப் படமானது குறிப்பிடத்தக்கது.