புதிய நேரத்தில் ஒளிபரப்பாகும் சிந்து பைரவி தொடர்!

விஜய் தொலைக்காட்சியில் ஒளிபரப்பாகி வரும் சிந்து பைரவி கச்சேரி ஆரம்பம் தொடரின் ஒளிபரப்பு நேரம் மாற்றப்பட்டுள்ளது.

இந்தத் தொடரில் திரவியம், ஆர்த்தி சுபாஷ், பவித்ரா நாயக், ஆனந்த கிருஷ்ணன் உள்ளிட்டோர் பிரதான வேடங்களில் நடித்து வருகின்றனர். சகோதரிகளான சிந்து மற்றும் பைரவி இருவரின் திருமண வாழ்க்கையை மையப்படுத்தி இந்தத் தொடர் எடுக்கப்படுகிறது.

மேலும் இந்தத் தொடரில் அம்பிகா, வாசு விக்ரம், சுமலதா மோகன், காயத்ரி கிருஷ்ணன் உள்ளிட்டோர் நடித்து வருகின்றனர்.

பிரான்சிஸ் கதிரவன் இயக்கி வரும் இந்தத் தொடர், கடந்த 2025 - ஜனவரி 20 ஆம் தேதி முதல் ஒளிபரப்பாகி வருகிறது. டெலி ஃபேக்டரி நிறுவனம் தயாரிக்கிறது.

சிந்து பைரவி கச்சேரி ஆரம்பம் தொடர், வரும் 27 ஆம் தேதி முதல் புதிய நேரத்தில் ஒளிபரப்பாகவுள்ளது. அதன்படி, திங்கள் முதல் வெள்ளிக்கிழமை வரை மாலை 6.30 மணிக்கு ஒளிபரப்பாகவுள்ளது.

இந்தத் தொடர் ஒளிபரப்பாகி வந்த இரவு 7 மணிக்கு, நடிகர் ரஞ்சித் நடிக்கும் புதிய தொடரான தாய் மாமன் தொடர் ஒளிபரப்பாகவுள்ளது.

அதேபோல, மகாநதி தொடர் ஏப். 27 முதல் திங்கள் முதல் வெள்ளிக்கிழமை வரை மாலை 6 மணிக்கு ஒளிபரப்பாகும் என்று அறிவிக்கப்பட்டுள்ளது.