கெனிஷா பிரேக் அப்? ஆர்த்தியுடன் விவாகரத்து பெறும்வரை நடிக்க மாட்டேன் என ரவி மோகன் பேட்டி!

நடிகர் ரவி மோகன் உடனான தனது காதலை முறித்துக் கொள்வதாக பாடகி கெனிஷா மறைமுகமாகக் கூறியதால் மீண்டும் சர்ச்சை வெடித்துள்ளது.

முன்னாள் மனைவி ஆர்த்தியுடன் விவாகரத்து கிடைக்கும்வரை நான் நடிக்கப்போவதில்லை என்றும் பிள்ளைகளைப் பார்க்க விடுவதில்லை என்றும் ரவி மோகன் பேட்டியளித்துள்ளார்.

நடிகர் ரவி மோகன் தனது மனைவி ஆர்த்திக்கு இடையே 2024 செப்டம்பரில் விவாகரத்து செய்வதாக அறிவித்திருந்தார். இந்த வழக்கு நிலுவையில் இருப்பதால் இரு தரப்பினரும் குற்றச்சாட்டுகளை முன்வைக்கக் கூடாதென நீதிமன்றம் தெரிவித்திருந்தது.

சமீபத்தில் சமூக வலைதளங்களில் மீண்டும் ஆர்த்தி - கெனிஷா தொடர்பான பேச்சு அதிகரிக்கவே பாடகி கெனிஷா இதற்குப் பதிலளித்துள்ளார்.

இனிமேல் ரவி மோகனுக்காக தான் போராடப்போவதில்லை என கெனிஷா தனது இன்ஸ்டா பதிவில் கூறியுள்ளார். மேலும் தான் சென்னையை விட்டு வெளியேறுவதாகவும் கூறி அதிர்ச்சியளித்துள்ளார்.