ஒடிஸாவில் மிதமான நிலநடுக்கம்

ஒடிஸா மாநிலத்தில் சனிக்கிழமை மிதமான நிலநடுக்கம் ஏற்பட்டது.

அந்த மாநிலத்தின் தெங்கனால் மாவட்டத்தில் காலை 8 மணியளவில் ஏற்பட்ட இந்த நிலநடுக்கம் ரிக்டர் அளவுகோலில் 3.2-ஆக பதிவானது. மீண்டும் 11 மணியளவிலும் நிலநடுக்கம் ஏற்பட்டது. இது 2.8-ஆக பதிவானது.

இருமுறை ஏற்பட்ட நிலநடுக்கமும் ஒரு சில விநாடிகளே உணரப்பட்டன. இருப்பினும், அடுத்தடுத்து ஏற்பட்ட நிலநடுக்கத்தால் பீதியடைந்த பொதுமக்கள், தங்களது வீடுகளை விட்டு வெளியேறினர்.

அதேவேளையில், நிலநடுக்கத்தால் பொதுமக்களுக்கோ, அவர்களின் உடமைகளுக்கோ எந்தவித ஆபத்தும் ஏற்படவில்லை என்று அதிகாரிகள் தெரிவித்தனர்.