ஒரு மாத கால பரோல் முடிந்து சிறை திரும்பினார் சஞ்சய் தத்

ஒரு மாத கால பரோலில் சிறையில் இருந்து வந்த சஞ்சய் தத், தனது பரோல் காலம் முடிவடைந்ததை அடுத்து, இன்று குடும்பத்தாரிடம் பிரியா விடை பெற்றுக் கொண்டு சிறைக்குத் திரும்பினார்.

1993 மும்பை தொடர் குண்டு வெடிப்பு சம்பவத்தில், சட்டத்துக்கு விரோதமாக ஆயுதம் வைத்திருந்ததாகத் தொடரப்பட்ட வழக்கில் சிறைத்  தண்டனை பெற்று புனேயில் உள்ள ஏர்வாடா சிறையில் அடைக்கப்பட்டுள்ளார்.

அவரது மகள் இக்ராவின் மூக்கு அறுவை சிகிச்சைக்காக பரோலில் வந்த சஞ்சய் தத், இன்று பரோல் முடிந்து சிறைக்குச் சென்றார்.

சஞ்சய் தத் தனது சிறைத் தண்டனையை 2016 பிப்ரவரியில் நிறைவு செய்வார் என்று கூறப்படுகிறது.