பிரதமர் நரேந்திர மோடியின் வெளிநாட்டுப் பயணங்களால் இந்தியாவுக்கு துளியும் பலனில்லை என்று காங்கிரஸ் கட்சி விமர்சித்துள்ளது.
இஸ்ரேலுக்குச் செல்லும் முதல் இந்தியப் பிரதமராக, நரேந்திர மோடி அந்த நாட்டில் 3 நாள் சுற்றுப் பயணம் மேற்கொண்டுள்ளார். இந்த நிலையில், இதுகுறித்து காங்கிரஸ் கட்சி செய்தித் தொடர்பாளர் அஜய் மாக்கன் கூறியதாவது:
தற்போது இஸ்ரேல் சென்றுள்ள பிரதமர் நரேந்திர மோடி, கடந்த 3 ஆண்டுகளில் 64 முறை வெளிநாடுகளில் சுற்றுப் பயணம் மேற்கொண்டுள்ளார். அவரது பயணங்களை தொலைக்காட்சி நிகழ்ச்சிகள் மூலம் கண்டு ரசிக்க முடிந்ததைத் தவிர, இந்தப் பயணங்களால் இந்தியர்களுக்கு எந்தப் பயனும் ஏற்படவில்லை. தற்போது 65- ஆவது முறையாக அவர் இஸ்ரேல் சென்று என்ன சாதிக்கப் போகிறார் என்பதைப் பொறுத்திருந்துதான் பார்க்க வேண்டும். இப்போதைய நிலவரப்படி, அவரது முந்தைய வெளிநாட்டுப் பயணங்களால் இந்தியாவுக்கு ஒரு துளியும் பலன் ஏற்படவில்லை என்றார் அவர்.