லேசான காய்ச்சல் காரணமாக காங்கிரஸ் மூத்த தலைவர் சோனியா காந்தி மருத்துவமனையில் அனுமதிக்கப்பட்டுள்ளார். 

மத்திய தில்லியில் உள்ள கங்கா ராம் மருத்துவமனையில் நேற்று மாலை அனுமதிக்கப்பட்ட அவரது உடல்நிலை சீராக உள்ளதாக தகவல்கள் தெரிவிக்கின்றன. சோனியா காந்திக்கு லேசான காய்ச்சல் உள்ளது, ஆனால் அவர் நன்றாக இருக்கிறார். 

அவரது உடல்நிலையை மருத்துவர்கள் குழு கண்காணித்து வருகிறது என்று மூத்த மருத்துவர் ஒருவர் தெரிவித்தார்.

கடந்த வாரம் காங்கிரஸ் மூத்த தலைவா் சோனியா காந்தி, தனிப்பட்ட பயணமாக ஜம்மு-காஷ்மீரின் ஸ்ரீநகருக்கு சென்றிருந்தார் என்பது குறிப்பிடத்தக்கது.