தமிழக சட்டப்பேரவை இன்று மீண்டும் கூடுகிறது.

தமிழக சட்டப்பேரவை  9 நாள் விடுமுறைக்குப் பின்னர் இன்று மீண்டும் கூடுகிறது.

கடந்த மாதம் 24ம் தேதி சட்டப்பேரவைக் கூட்டத் தொடர் தொடங்கிய நிலையில், சென்னையில் நடைபெற்ற சர்வதேச முதலீட்டாளர் மாநாடு காரணமாக கடந்த 5ம் தேதி முதல் நேற்று வரை 9 நாட்களுக்கு விடுமுறை அறிவிக்கப்பட்டிருந்தது.

இந்நிலையில், இன்று  காலை 10 மணிக்கு சட்டப்பேரவை கூடுகிறது. வரும் 29ந்தேதி வரை கூட்டத் தொடர் நடைபெறும்.

இந்த கூட்டத்தில் வருவாய் மற்றும் செய்தி விளம்பரத்துறைகளின் மானியக் கோரிக்கை மீதான விவாதம் நடைபெறவுள்ளது. இதையடுத்து, வருவாய்துறை அமைச்சர் உதயகுமார், செய்தித்துறை அமைச்சர் ராஜேந்திர பாலாஜி ஆகியோர் பதில் அளித்து பேசுவார்கள்.

இதனிடையே, சர்வதேச முதலீட்டாளர் மாநாடு மூலம் இலக்கை தாண்டி அதிக முதலீடுகளை பெற்றதற்காக, முதலமைச்சர் செல்வி ஜெயலலிதாவுக்கு இன்று  சட்டப்பேரவையில் பாராட்டு தெரிவிக்கப்படும் என தெரிகிறது.