வாட்ஸ் அப் குரூப் வழியாக கேரள இளைஞருக்கு ஐ.எஸ். இயக்கம் அழைப்பு

கேரளாவில் வசிக்கும் வாலிபர் ஒருவரை ஐஎஸ் பயங்கரவாத இயக்க ஆதரவாளர்கள் தங்கள் வாட்ஸ்-அப் குரூப்பில் இணைந்துள்ளது அதிர்ச்சியை ஏற்படுத்தியுள்ளது.

கேரள மாநிலம் காசர்கோடு நகரை சேர்ந்த இளைஞர் ஒருவரின்  வாட்ஸ்-அப்புக்கு, 'வெல்கம் டூ தவ்லதுல் இஸ்லாம் த்வா குரூப்' என்று முதலில் ஒரு மெசேஜ் வந்துள்ளது.

மேலும், 'அசலாமு அலேக்கும்' என்ற வார்த்தையுள்ள மெசேஜும் மறுநாள் வந்துள்ளது. இந்த மெசேஜ்களை பார்த்த இளைஞர், நீங்கள் யார் என்று கேட்டபோது, 'இஸ்லாமிக் ஸ்டேட்டை சேர்ந்த ஷமி' என்று பதிலில் கூறப்பட்டிருந்தது. 

மேலும், அரபிக் மொழியில், ஒரு ஆடியோ ஃபைலும் வந்தது. குரூப்பின் பெயர் ஐஎஸ் என்றும், முகப்பு படத்தில் ஐஎஸ்ஐஎஸ் தீவிரவாதிகளின் கொடியும் இடம் பெற்றிருந்ததால் இந்த இளைஞர்  குரூப்பை விட்டு வெளியேறிவிட்டு நகர சைபர் கிரைம்க்கு இதுகுறித்து  புகார் அளித்துள்ளார்.

முன்னதாக, அந்த வாட்ஸ் அப் குரூப்பில் பரிமாறப்பட்ட தகவல்களை  அந்த இளைஞர்  ஸ்கிரீன் ஷாட் எடுத்து ஆதாரத்திற்கு வைத்துக்கொண்டார்.