ஓடிடியில் வெளியானது தங்கலான்!

விக்ரம் நடிப்பில் வெளியான தங்கலான் திரைப்படம் இன்று(டிச. 10) நெட்ஃபிளிக்ஸ் ஓடிடி தளத்தில் வெளியாகியுள்ளது.

பா.இரஞ்சித் இயக்கத்தில் விக்ரம் நடித்துள்ள தங்கலான் படம் கடந்த ஆக.15ஆம் தேதி திரையரங்குகளில் வெளியானது. இப்படத்தில் நடிகர் பசுபதி, மாளவிகா மோகனன், பார்வதி உள்ளிட்டோர் பிரதான வேடங்களில் நடித்துள்ளனர்.

தங்கச் சுரங்கத்தைத் தேடிய ஆங்கிலேயர்களுக்கு உதவச் சென்ற குறிப்பிட்ட சமூகத்தினர் எதிர்கொண்ட பிரச்னைகளாக இப்படம் உருவாகியுள்ளது.

இதையும் படிக்க: வசூல் வேட்டை நடத்தும் புஷ்பா 2!!

கலவையான விமர்சனங்களைப் பெற்ற தங்கலான் படம், உலகளவில் ரூ.100 கோடிக்கும் மேல் வசூல் செய்தது.

இந்த நிலையில், தங்கலான் படத்தின் ஓடிடி வெளியீட்டுக்காக ரசிகர்கள் நீண்ட நாள்கள் காத்திருந்த நிலையில், தற்போது நெட்ஃபிளிக்ஸ் ஓடிடி தளத்தில் வெளியாகியுள்ளது.