ஆஸ்திரேலிய டெஸ்ட் அணியில் இளம் வீரரை சேர்த்திருப்பது உற்சாகத்தை அளிப்பதாக முன்னாள் வீரர் கூறியுள்ளார்.

பார்டர் - கவாஸ்கர் தொடரில் 3 போட்டிகள் முடிவடைந்த நிலையில் 1-1 என இரு அணிகளும் சமநிலையில் இருக்கின்றன.

4ஆவது டெஸ்ட் போட்டி பாக்ஸிங் டே போட்டியாக டிச.26ஆம் தேதி மெல்போர்னில் நடைபெறவிருக்கிறது.

இந்தத் தொடரில் சாம் கொன்ஸ்டாஸ் என்ற 19 வயது இளைஞர் அணியில் சேர்க்கப்பட்டுள்ளார். இவர் 4ஆவது இளமையான டெஸ்ட் வீரராக இருக்கிறார். இதற்கு முன்பு பாட் கம்மின்ஸ் 2011இல் அவ்வாறு தேர்வாகியிருந்தது குறிப்பிடத்தக்கது.

சாம் கொன்ஸ்டாஸ் ஷீல்டு தொடரில் 2 சதங்கள் அடித்து அசத்தியுள்ளார். 1993இல் ரிக்கி பாண்டிங்கிற்கு பிறகு இந்த சாதனையை கொன்ஸ்டாஸ் நிகழ்த்தியிருப்பது குறிப்பிடத்தக்கது.

இந்திய அணியுடனான பிரைம் மினிஸ்டர் அணியில் கொன்ஸ்டாஸ் சதம் அடித்துள்ளார். யு-19 வெற்றி பெற்ற அணியில் இடம் பிடித்துள்ளார். பிபிஎல் தொடரில் சிட்னி தண்டர் அணிக்காக விளையாடி அரைசதம் அடித்த இளம் வீரர் என்ற சாதனையையும் படைத்துள்ளார்.

உற்சாகம் அளிக்கிறது

சாம் கொன்ஸ்டாஸ் தேர்வு குறித்து முன்னாள் வேகப் பந்து வீச்சாளர் ஜேசன் கில்லஸ்பி கூறியதாவது:

நான் இளம் வீரர்களை அணியில் எடுப்பதற்கு எதிரான் ஆள் இல்லை. கடந்த சில ஆண்டுகளாக இளம் வீரர்கள் புதியதாக சேர்க்கப்படவில்லை. சாம் கொன்ஸ்டாஸை அணியில் சேர்த்திருப்பது உற்சாகத்தை தூண்டுகிறது என்றார்.

சமீபத்தில் ஜில்லஸ்பி பாகிஸ்தான் பயிற்சியாளர் பதவியிலிருந்து ராஜிநாமா செய்தது குறிப்பிடத்தக்கது.

உலகம் முடிந்துவிடுவதில்லை

அணியில் இருந்து நாதன் மெக்ஸ்வீனி நீக்கப்பட்டுள்ளது குறித்து ஜில்லஸ்பி, “அது நிச்சயமாக மெக்ஸ்வீனிக்கு வருத்தமாக இருக்கும். உலகின் சிறந்த பந்துவீச்சாளருக்கு எதிராக டெஸ்ட்டில் அறிமுகமானது மிகவும் கடுமையானதாக இருக்கும். அவர் மீண்டு வருவாரென நம்புகிறேன்.

இத்துடன் உலகம் முடிந்துவிடுவதில்லை. 3 டெஸ்ட் போட்டிகள் விளையாடியுள்ளார். எங்கே சரிசெய்ய வேண்டுமென அவருக்குத் தெரியும்”என்றார்.

5ஆவது பௌலிங் ஆப்சன்

மிட்செல் மார்ஷுக்கு பதிலாக வெப்ஸ்டரை ஆஸி. சிந்திக்க வேண்டும். அலெக்ஸ் கேரி முன்னதாகவும் வெப்ஸ்டர் 7ஆவது இடத்திலும் களமிறங்க வேண்டும் எனக் கூறினார்.