உலகக் கோப்பை கிரிக்கெட் போட்டிகளில் ஆண்கள் மற்றும் பெண்களுக்கு சமமான பரிசுத்தொகை வழங்கப்படவுள்ளதாக சர்வதேச கிரிக்கெட் கவுன்சில் (ஐசிசி) இன்று அறிவித்துள்ளது.

பெண்களுக்கான டி20 கிரிக்கெட் உலகக் கோப்பைப் போட்டிகள் அடுத்த மாதம் ஐக்கிய அரபு அமீரகத்தில் நடக்கவுள்ளது. இந்தப் போட்டிகள் முதல் ஆண்கள் உலகக் கோப்பையில் வழங்கப்படும் அதே அளவிலான பரிசுத்தொகையை பெண்களுக்கும் வழங்கவுள்ளதாக இன்று ஐசிசி அறிவித்துள்ளது.

இதன் மூலம், பெண்கள் டி20 உலகக் கோப்பைப் போட்டிகளில் வெற்றிபெறும் அணிக்கு ஏறத்தாழ ரூ. 20 கோடி பரிசுத்தொகை வழங்கப்படும் எனத் தெரிவித்துள்ளனர்.

கடந்த 2023-ல் தென் ஆப்ரிக்காவில் நடைபெற்ற பெண்கள் டி20 உலகக் கோப்பையில் ஆஸ்திரேலிய அணி வெற்றிபெற்று ஏறத்தாழ ரூ.8.3 கோடி பரிசுத்தொகையாக பெற்றது. தற்போது அறிவிக்கப்பட்டுள்ள தொகை அதைவிட 134 சதவீதம் அதிகமாகும்.

கௌதம் கம்பீர் தலைமையிலான பயிற்சியாளர்கள் குழு வித்தியாசமானது: ரோஹித் சர்மா

இந்த ஆண்டு ஆண்கள் டி20 உலகக் கோப்பையில் இந்திய அணி வெற்றிபெற்று வாங்கிய பரிசுத்தொகை ஏறத்தாழ ரூ. 20.5 கோடியாகும்.

”ஆண் விளையாட்டு வீரர்கள் பெறும் அதே அளவிலான பரிசுத் தொகையைப் பெண்களும் பெறவிருக்கும் முதல் போட்டியாக ஐசிசி பெண்கள் டி20 உலகக் கோப்பை 2024 இருக்கப்போகிறது. இது விளையாட்டு வரலாற்றில் ஒரு முக்கிய மைல்கல்லாக இருக்கும்” என்று ஐசிசி தெரிவித்துள்ளது.

ஐசிசி ஆண்டுதோறும் நடத்தும் மாநாட்டில் ஜூலை 2023-ல் இந்த முடிவு எடுக்கப்பட்டதாகவும், 2030 ஆம் ஆண்டில் கொண்டுவரப்பட இருந்தத் திட்டத்தை 7 ஆண்டுகளுக்கு முன்பாகவே செயல்படுத்தியதாகவும் ஐசிசி கூறியுள்ளது.

சர்வதேச கிரிக்கெட்டில் முதல் பாகிஸ்தான் பெண் நடுவர்!

போட்டியில் இரண்டாவதாக வரும் அணிக்கு ஏறத்தாழ ரூ. 10 கோடி பரிசுத்தொகை வழங்கவுள்ளதாகவும், கடந்த டி20 உலகக்கோப்பையில் இரண்டாவதாக வந்த தென்னாப்ரிக்க அணி ஏறத்தாழ ரூ. 4 கோடி பரிசுத்தொகை பெற்றது. தற்போது அறிவிக்கப்பட்டுள்ள தொகை அதைவிட 134 சதவீதம் அதிகமாகும்.

அரை இறுதிகளில் தோற்கும் இரு அணிகளுக்கும் சேர்த்து ஏறத்தாழ ரூ. 5.6 கோடி பரிசுத்தொகை வழங்கப்படவுள்ளதாகவும் (கடந்த 2023-ல் ஏறத்தாழ ரூ. 1.75 கோடி பரிசுத்தொகை), மொத்த போட்டிகளின் பரிசுத்தொகை ஏறத்தாழ ரூ. 66 கோடி வரை வழங்கப்படவுள்ளதாகவும், இது கடந்த உலகக்கோப்பையை விட 225 சதவீதம் அதிகமென்றும் கூறப்படுகிறது.

அதேபோல, அரை இறுதிக்கு தகுதிபெறாத அணிகளுக்கும், தொடக்க நிலைப் போட்டிகளில் விளையாடும் அணிகளுக்கும் முறையே தனித்தனியாக பரிசுத்தொகை உயர்த்தப்பட்டுள்ளது.

வங்கதேச அணிக்கு எதிராக கவனமாக இருங்கள்; இந்திய அணிக்கு முன்னாள் கேப்டன் அறிவுரை!

ஐசிசியின் இந்த நடவடிக்கை பெண்கள் விளையாட்டுக்கு முன்னுரிமை அளிப்பதற்கும், 2032 ஆம் ஆண்டுக்குள் இதனை விரிவுபடுத்தும் நோக்கிலும் எடுக்கப்பட்டுள்ளதாக கூறப்படுகிறது.