பிரபல கால்பந்து அணியான ரியல் மாட்ரிட் அணியின் 2023/2024 நிதியாண்டின் வருமானம் குறித்து கூட்டம் கடந்த செவ்வாய்க்கிழமை (ஜூலை 23) நடைபெற்றது. இதில் வீரர்களுக்கான மாற்றங்கள் இல்லாமலேயே 1.073 பில்லியன் யூரோஸ் ( இந்திய மதிப்பில் 9,076 கோடி 10 லட்சம் ரூபாய்) வருமானம் ஈட்டியுள்ளது. இது கடந்த ஆண்டைவிட 27 சதவிகிதம் அதிகம் என்பது குறிப்பிடத்தக்கது.

ரியல் மாட்ரிட் அணியில் வலைதளத்தில், “2023-2024 நிதியாண்டில் மட்டும் 1,073 மில்லியன் யூரோஸ் வருமானம கிடைத்துள்ளது. இது 2022-2023 நிதியாணடைவிட 27 சதவிகிதம் (230 மில்லியன் யூரோஸ்) அதிகம். இந்த நிதியாண்டில் விளையாட்டரங்கம் முழுமையாக செயல்படாவிட்டாலும் நமது அணி 1 பில்லியன் யூரோஸை எட்டியுள்ளது. வேறெந்த கால்பந்து கிளப் அணியும் எட்டாத சாதனை இது” எனக் குறிப்பிட்டுள்ளது.

ரியல் மாட்ரிட் அணி வரி, சமூக பாதுகாப்பு திட்டங்களுக்குக்காக 2023-2024 நிதியாண்டில் 277.1 மில்லியன் யூரோஸ் ( இந்திய மதிப்பில் 2515 கோடி ரூபாய்) பங்களித்துள்ளது குறிப்பிடத்தக்கது.

2014-2024 வருடங்களில் மட்டும் ரியல் மாட்ரிட் அணி 6 முறை சாம்யியன் லீக் பட்டத்தையும் ஸ்பேனிஷ் லீக், சூப்பர் கப் பட்டங்களையும் வென்றுள்ளது. சாம்பியன்ஸ் லீக் கால்பந்து போட்டியின் இறுதி ஆட்டத்தில் ரியல் மாட்ரிட் 2-0 கோல் கணக்கில் போருசியா டாா்ட்மண்ட் அணியை வீழ்த்தி சாம்பியன் ஆனது.

இதன் மூலம், போட்டியிலேயே அதிக முறை சாம்பியனான அணியாக நீடிக்கும் ரியல் மாட்ரிட், அந்த எண்ணிக்கையை தற்போது 15-ஆக அதிகரித்துக்கொண்டுள்ளது.

பிரபல கால்பந்து விரர் லூகா மோட்ரிச் 2025 வரை ரியல் மாட்ரிட் அணியில் விளையாட ஒப்பந்தம் நீட்டிக்கப்பட்டுள்ளது. பிரபல இளம் வீரர் எம்பாப்வேயும் இந்த அணியில் சேர்க்கப்பட்டுள்ளது அந்த அணிக்கு மேலும் பலத்தை சேர்த்துள்ளது.