"தமிழக உரிமைகளை நிலைநாட்ட கட்சிகள் இணைந்து செயல்பட வேண்டும்'

தமிழகத்தின் உரிமைகளை நிலைநாட்டும் வகையில் தமிழக கட்சிகள் பொதுநலத்துடனும், ஒற்றுமையுடனும் செயல்பட வேண்டும் என்றார் திராவிட கழகத் தலைவர் கி. வீரமணி.

அரியலூர் மாவட்டம், செந்துறையில் பெரியார் பிறந்த நாள் விழா, பெரியார் விருது பெற்ற திமுக முன்னாள் எம்.பி சிவசுப்பிரமணியனுக்கு பாராட்டு விழா பொதுக்கூட்டம் வெள்ளிக்கிழமை நடைபெற்றது.

கூட்டத்தில் திராவிட கழக தலைவர் கி. வீரமணி பேசியது:

திராவிட கொள்கைகளால்தான் தமிழகத்தில் இட ஒதுக்கீடு, சமூக நீதி, பெண் கல்வி, பெண்களுக்கு சொத்தில் பங்கு உள்ளிட்ட பல்வேறு சமுதாய மாற்றங்கள் கொண்டு வரப்பட்டன. ஆனால், தற்போது திராவிட கொள்கைககு எதிராக பல சக்திகள் ஒன்று திரண்டு உள்ளன. தமிழகத்தின் நலனுக்காக தமிழக கட்சிகள் பொது நலத்துடனும் ஒற்றுமையுடன் செயல்பட வேண்டும் என்றார். இந்நிகழ்ச்சியில், 500 நபர்களுக்கு மரக்கன்றுகள் வழங்கப்பட்டன.