விளம்பரத்துக்காக நடைபயணமா? ஸ்டாலினை கேள்வி கேட்டு மடக்கிய மாணவி

மு.க. ஸ்டாலினின், நமக்கு நாமே பயணத்தின் ஒரு கட்டமாக, திருப்பரங்குன்றத்தில் நடந்த கலந்துரையாடலின் போது ஒரு மாணவி, இந்த நடைபயணம் விளம்பரத்துக்காக செய்கிறீர்களா, இல்லை ஆட்சிக்கு வந்தாலும் தொடருமா என்று கேள்வி கேட்டு ஸ்டாலினை மடக்கினார்.

நீங்கள் இந்த பயணத்தைப் பற்றி என்ன நினைக்கிறீர்கள் என்று அந்த மாணவியிடமே ஸ்டாலின் திருப்பிக் கேட்க, நல்லது நடக்கும் என்ற நம்பிக்கை இருக்கிறது என்றார். அந்த நம்பிக்கையோடு இருங்கள் என்று அவர் பதில் அளித்தார்.

மக்கள் விரும்பும் எதிர்பார்ப்பை திமுக நிறைவு செய்யும் என்று அக்கட்சியின் பொருளாளர் மு.க.ஸ்டாலின் கூறினார்.