நீடாமங்கலம், வலங்கைமானில் ஜெயலலிதா பிறந்தநாள் விழா கொண்டாட்டம்

நீடாமங்கலம்: மறைந்த தமிழக முதல்வர் ஜெயலலிதாவின் பிறந்தநாள் விழா நீடாமங்கலத்தில் வியாழக்கிழமை கொண்டாடப்பட்டது. விழாவிற்கு நகர அதிமுக செயலாளர் ஷாஜஹான் தலைமை வகித்தார்.

மாவட்ட எம்.ஜி.ஆர். மன்ற தலைவர் அரிகிருஷ்ணன், ஒன்றிய செயலாளர்கள் ஜனகர், ராஜேந்திரன் மற்றும் பேரூராட்சி முன்னாள் துணைத்தலைவர் செந்தமிழ்ச்செல்வன் ஆகியோர் முன்னிலை வகித்தனர்.

இதில் கட்சியின் மாவட்ட, ஒன்றிய, நகர, ஊராட்சி அமைப்புகளின் நிர்வாகிகள், தொண்டர்கள் பலரும் கலந்து கொண்டனர். அலங்கரித்து வைக்கப்பட்டிருந்த ஜெயலலிதாவின் திருவுருவப்படத்திற்கு மாலையணிவித்து அதிமுகவினர் மரியாதை செலுத்தினர்.  பொதுமக்களுக்கு இனிப்புகள் வழங்கப்பட்டது.

இதேபோல் வலங்கைமானில் அதிமுக நகர செயலாளர் குணசேகரன் தலைமையில் ஜெயலலிதா பிறந்த நாள் விழா கொண்டாடப்பட்டது. விழாவில் ஒன்றிய செயலாளர்கள் சங்கர், இளவரசன் உள்ளிட்ட நிர்வாகிகள் கலந்து கொண்டனர்.

அலங்கரித்து வைக்கப்பட்டிருந்த ஜெயலலிதாவின் திருவுருவப்படத்திற்கு மாலையணிவித்து மரியாதை செலுத்தப்பட்டது. பொதுமக்களுக்கு இனிப்புகள் வழங்கப்பட்டது.