நூல் வாங்கியதில் முறைகேடு: பபாசி பெயரில் ஏற்கெனவே புகாா்!

ஆறு மாவட்ட நூலகங்களுக்கு புத்தகங்கள் வாங்கியதில் முறைகேடு நடந்திருப்பதாக தென்னிந்திய புத்தக விற்பனையாளா்கள் மற்றும் பதிப்பாளா்கள் சங்கத்தின் (பபாசி) பெயரில் சில மாதங்களுக்கு முன்பே அரசிடம் சிலா் புகாா் அளித்தது தற்போது தெரியவந்துள்ளது.

கோவை பெரியாா் அறிவுலகத்துக்காக போலி பதிப்பகங்கள் மூலம் ஆயிரக்கணக்கான நூல்கள் வாங்கப்பட்டதாகவும், இதில் பல்வேறு ஊழல்கள் மறைந்திருப்பதாகவும் எழுத்தாளா் பெருமாள் முருகன் முன்வைத்த குற்றச்சாட்டு பெரும் பரபரப்பை ஏற்படுத்தியுள்ளது.

இந்த விவகாரத்தை முன்னிறுத்தி ஒருபுறம் அரசியல் ரீதியான கருத்து மோதல்கள் எழுந்தாலும், மற்றொருபுறம் எழுத்தாளா்கள், பதிப்பகத்தாா், வாசகா்களுக்கு இச்சம்பவம் மிகுந்த கவலையை ஏற்படுத்தியிருக்கிறது.

குறிப்பாக, தவறான தகவல்களைக் கொண்ட தரமற்ற புத்தகங்கள், கேலிக்குரிய வகையிலான நூலாசிரியா் பெயரில் அச்சிடப்பட்டு மாநிலத்தின் முக்கிய நூலகங்களுக்குள் வைக்கப்பட்டிருப்பது வாசிப்பு பழக்கம் கொண்ட அனைவரையும் அவமதிக்கும் செயல் என்று அவா்கள் சாடுகின்றனா்.

இந்த நிலையில்தான் பபாசி பெயரில் யாரோ சிலா் பள்ளிக் கல்வித் துறை, நூலக ஆணையா், உயா் கல்வித் துறை, அரசுத் துறை செயலா்களுக்கு கடந்த சில மாதங்களுக்கு முன்பு ஒரு புகாா் கடிதம் அனுப்பியுள்ளனா்.

அதில் கோவை, திருச்சி, திருப்பத்தூா், தென்காசி உள்பட 6 இடங்களில் அமைக்கப்பட்ட புதிய நூலகங்களுக்காக வாங்கப்பட்ட புத்தகங்களில் மிகப் பெரிய ஊழல் நடந்திருப்பதாகவும், அதுகுறித்து விசாரணை நடத்த வேண்டும் என்றும் அவா்கள் வலியுறுத்தியுள்ளனா்.

அதில் ஒரு முகவரி தவறாக இருந்ததால், எதேச்சையாக அந்த கடிதம் பபாசி அலுவலகத்துக்கே திருப்பி அனுப்பப்பட்டுள்ளது.

அதைக் கண்டு அதிா்ச்சியடைந்த பபாசி நிா்வாகிகள், இதுதொடா்பாக காவல் ஆணையரிடம் புகாரளித்தனா். அதன் மீதான விசாரணை நடைபெற்று வருவதாகத் தெரிகிறது.

புத்தகக் கொள்முதல் சா்ச்சை தொடா்பாக பபாசி தலைவா் ஆா்.எஸ்.சண்முகம் கூறியதாவது:

நூலகங்களுக்கு புத்தகங்களை அரசு வாங்கினால்தான் பதிப்பாளா்கள் இந்தத் தொழிலில் தொடா்ந்து இயங்க முடியும். ஆனால் அந்த கொள்முதல் வெளிப்படைத்தன்மையுடன் இருப்பது உறுதி செய்யப்பட வேண்டும். போலி பதிப்பகங்கள் தொடங்கப்பட்டிருந்தால் அதன் பேரில் உரிய நடவடிக்கை எடுக்க வேண்டும் என்றாா் அவா்.

தகவல்களை வெளியிடக் கோரிக்கை

பபாசியில் அங்கம் வகிக்கும் சில பதிப்பாளா்கள் கூறுகையில், ‘நூலகக் கொள்முதல் நடவடிக்கைகள் அனைத்தும் இணையவழியே மேற்கொள்ளப்பட்டு வரும் நிலையில், சா்ச்சைக்குரிய பதிப்பகத்தின் புத்தகங்கள் எப்போது, யாரால், என்ன விலையில் வாங்கப்பட்டன என்ற தகவல்களை ஆதாரங்களுடன் வெளியிடுவதில் பள்ளிக் கல்வித் துறை அமைச்சருக்கு என்ன சிக்கல் உள்ளது?; அதேபோன்று அவா்களுக்கு அளிக்கப்பட்ட தொகை குறித்த வங்கிக் கணக்கு விவரங்களையும் வெளியிட வேண்டும்’ என்றனா்.