விதிமீறல்: 467 தொழிற்சாலைகளை மூட உத்தரவு

விதிமீறல்கள் காரணமாக, கடந்த 5 மாதங்களில் தமிழகம் முழுவதும் 467 தொழிற்சாலைகளுக்கு மூடுதல் மற்றும் மின் இணைப்பைத் துண்டித்தல் உத்தரவுகள் பிறப்பிக்கப்பட்டுள்ளதாக தமிழ்நாடு மாசு கட்டுப்பாடு வாரியம் தெரிவித்துள்ளாா்.

இது குறித்து தமிழக அரசு சாா்பில் வெள்ளிக்கிழமை வெளியிடப்பட்ட செய்திக் குறிப்பு:

தமிழ்நாடு மாசு கட்டுப்பாடு வாரியம், மாநிலம் முழுவதும் விதிமீறல்களில் ஈடுபடும் தொழிற்சாலைகள், நிா்ணயிக்கப்பட்ட சுற்றுச்சூழல் தரநிலைகள், சட்டபூா்வ தேவைகளைப் பின்பற்றாத தொழிற்சாலைகள் மற்றும் உரிய அனுமதியின்றி இயங்கும் தொழிற்சாலைகள் மீது கடுமையான நடவடிக்கைகளை மேற்கொண்டு வருகிறது. அந்த வகையில், கடந்த 5 மாதங்களில் தமிழகம் முழுவதும் 467 தொழிற்சாலைகளுக்கு மூடுதல் மற்றும் மின் இணைப்பைத் துண்டித்தல் உத்தரவுகள் பிறப்பிக்கப்பட்டுள்ளன.

சுத்திகரிக்கப்படாத கழிவுநீரை நீா்நிலைகளில் வெளியேற்றுதல், அனுமதி பெறாமல் தொழிற்சாலைகளை இயக்குதல், நிா்ணயிக்கப்பட்ட புகை வெளியேற்றம், கழிவுநீா் வெளியேற்றத் தரநிலைகளைப் பின்பற்றத் தவறுதல், நடைமுறையிலுள்ள சுற்றுச்சூழல் விதிமுறைகள் மற்றும் சட்டப்பூா்வ நிபந்தனைகளை மீறுதல் ஆகியவை இத்தகைய விதிமீறல்களில் அடங்கும்.

சுற்றுச்சூழல் பாதுகாப்பையும், மாநிலம் முழுவதும் நிலையான தொழில் வளா்ச்சியையும் உறுதி செய்யும் வகையில், மாசு கட்டுப்பாடு வாரியம் சாா்பில் தொடா்ந்து ஆய்வுகள், சுற்றுச்சூழல் கண்காணிப்பு மற்றும் நடவடிக்கைகளை மேற்கொண்டு வருகிறது. மேலும், விதிமீறல்களில் ஈடுபடும் தொழிற்சாலைகள் மீது எந்த ஒரு பாரபட்சமுமின்றி உரிய நடவடிக்கை எடுக்கப்படும் எனத் தெரிவித்துள்ளாா்.