அமெரிக்காவைத் தொடர்ந்து பிரான்ஸ், இங்கிலாந்தில் அதிக அளவு கரோனா தொற்று பரவி வருகிறது.

அமெரிக்காவில் கடந்த 24 மணி நேரத்தில் மட்டும் கரோனாவால் பாதிக்கப்பட்டவர்களின் எண்ணிக்கை 5.57 லட்சத்தைத் தாண்டியுள்ளதாக அந்நாட்டு சுகாதாரத் துறை அறிவித்துள்ளது.

இது தொடர்பாக அந்நாட்டு சுகாதாரத் துறை வெளியிட்டுள்ள அறிவிப்பில், அமெரிக்காவில் கரோனாவால் பாதிக்கப்படுவோர் எண்ணிக்கை நாளுக்கு நாள் அதிகரித்து வருகிறது.

படிக்க | அணு ஆயுதங்களை அதிகரிக்கவில்லை: அமெரிக்க குற்றச்சாட்டுக்கு சீனா மறுப்பு

அமெரிக்காவில் ஒரு நாளில் மட்டும் 5,57,425 பேர் கரோனாவால் பாதிக்கப்பட்டுள்ளனர். கடந்த 24 மணிநேரத்தில் 1,825 பேர் கரோனா தொற்றால் உயிரிழந்தனர் என்று தெரிவிக்கப்பட்டுள்ளது.

அமெரிக்காவுக்கு அடுத்தபடியாக பின்ராஸ், இங்கிலாந்தில் கரோனா பாதிப்பு அதிகரித்து வருகிறது. 

பிரான்ஸில் ஒரு நாளில் 2.71 லட்சம் பேருக்கு கரோனா பாதிப்பு கண்டறியப்பட்டுள்ளது. இங்கிலாந்தில் 2.18 லட்சம் பேர் கரோனாவால் பாதிக்கப்பட்டுள்ளனர்.