முதல்வர் குறித்து அவதூறு கருத்து: இளைஞர் கைது

கர்நாடக முதல்வர் குமாரசாமியை அவமதிக்கும் வகையில் சமூக வலைதளத்தில் அவதூறு கருத்து தெரிவித்ததால் இளைஞரை போலீஸார் கைது செய்தனர்.
இதுகுறித்து அவர்கள் கூறியதாவது:
இன்ஸ்டாகிராம் சமூக வலைதளத்தில் துளு மொழியில் குமாரசாமியை அவமதிக்கும் வகையில் பிரசாந்த் பூஜாரி (24) என்ற இளைஞர் கருத்து பதிவு செய்திருந்தார். அவருக்கு எதிராக மத்திய குற்றப் பிரிவு தாமாக முன்வந்து வழக்குப் பதிவு செய்தது.
மத உணர்வைப் புண்படுத்தும் வகையில் அந்தக் கருத்து இருந்ததால் வழக்குப் பதிவு செய்யப்பட்டது. பின்னர், அவரை கைது செய்தோம் என்று போலீஸார் தெரிவித்தனர்.