லஞ்சம் பெற்றதாக மின்வாரிய உதவி செயற்பொறியாளர் கைது

புதிய கட்டடத்துக்கு மின் இணைப்பு வழங்க லஞ்சம் பெற்றதாக மின்வாரிய உதவி செயற்பொறியாளரை லஞ்ச ஒழிப்புப் படையினர் கைது செய்தனர்.
கர்நாடக மாநிலம், ராய்ச்சூரை சேர்ந்த மின் ஒப்பந்ததாரர் ஒருவர், புதிதாக கட்டிய கட்டடத்துக்கு மின் இணைப்பு வழங்குமாறு ராய்ச்சூரு மின்வாரிய அலுவலகத்தில் மனு அளித்திருந்தார். மனுவை பரிசீலித்த மின்வாரிய உதவி செயற்பொறியாளர் எஸ்.சிவகுத்தி, ரூ.25 ஆயிரம் லஞ்சம் கேட்டுள்ளார். அதையடுத்து, லஞ்சப் பணமான ரூ.25 ஆயிரத்தை திங்கள்கிழமை எஸ்.சிவகுத்தியிடம், மின் ஒப்பந்ததாரர் வழங்கிய போது, மறைந்திருந்த லஞ்ச ஒழிப்புப் படையினர் அவரை கைது செய்தனர். கைது செய்யப்பட்ட எஸ்.சிவகுத்தியிடம் ராய்ச்சூரு லஞ்ச ஒழிப்புப் படையினர் தொடர்ந்து விசாரணை மேற்கொண்டுள்ளனர்.