செம்பாக்கம் நகராட்சி முன் முற்றுகைப் போராட்டம்

தாம்பரத்தை அடுத்த செம்பாக்கம் நகராட்சியில் காமராஜபுரம் அம்பேத்கர் தெரு குடியிருப்புப் பகுதியில் முஸ்லிம்கள் மதரஸா கட்டுவதை நகராட்சி அனுமதிக்கக் கூடாது என வலியுறுத்தி, இந்து முன்னணி அமைப்பினர் திங்கள்கிழமை முற்றுகைப் போராட்டத்தில் ஈடுபட்டனர்.
 பின்னர், பா.ஜ.க. தேசிய பொதுக்குழு உறுப்பினர் செம்பாக்கம் வேதசுப்ரமணியம் தலைமையில் நடைபெற்ற முற்றுகைப் போராட்டத்தில் பங்கேற்ற இந்து முன்னணியினர் செம்பாக்கம் நகராட்சித் தலைவர் ஜி.எம்.சாந்தகுமாரை சந்தித்து, குடியிருப்புப் பகுதியில் மதரசா கட்டடம் கட்டுவதற்கு நகராட்சி அனுமதி வழங்கி உள்ளதா என்பது குறித்த தகவல்களைத் தகவல் அறியும் சட்டத்தின் கீழ் தங்களுக்குத் தெரிவிக்கக் கோரி மனு அளித்தனர். இந்தப் போராட்டம் காரணமாக செம்பாக்கம் நகராட்சி முன் பலத்த போலீஸ் பாதுகாப்பு போடப்பட்டு இருந்தது.