வழிப்பறி: இருவர் கைது

சென்னை பூக்கடையில் வழிப்பறியில் ஈடுபட்டதாக இருவர் கைது செய்யப்பட்டனர்.
தியாகராயநகர் ராஜாபிள்ளை கார்டன் பகுதியைச் சேர்ந்தவர் க.சரவணன் (21). இவர், பூக்கடை மின்ட் தெரு, என்.எஸ்.சி. போஸ் சாலை சந்திப்பில் ஞாயிற்றுக்கிழமை நடந்து சென்றார். அப்போது, அங்கு மோட்டார் சைக்கிளில் வந்த இருவர், சரவணன் வைத்திருந்த செல்லிடப்பேசியை பறித்துக் கொண்டு தப்பிச் சென்றனர். இதைப் பார்த்த சரவணன் சத்தம் போட்டார். அதையடுத்து அங்கு வந்த போலீஸார், மர்ம நபர்களை விரட்டிச் சென்று பிடித்தனர். விசாரணையில், அவர்கள் புளியந்தோப்பு வ.உ.சி. நகர் 8-ஆவது தெருவைச் சேர்ந்த க.அபிமன்யு (21), மு.சந்தோஷ்குமார் (21) என்பது தெரியவந்தது. இதையடுத்து அவர்கள் இருவரையும் போலீஸார் கைது செய்தனர்.